英超護級生死戰愛華頓逃出生天

愛華頓逃出生天

愛華頓逃出生天

英超煞科戰,護級形勢最受矚目,愛華頓、李斯特城同列斯聯三隊剩番一隊,2015/16冠軍隊李斯特城面對韋斯咸即使率先入波,一度脫離降班區,但分數佔優嘅愛華頓對般尼茅夫喺57分鐘入球,並維持得1:0勝果至完場,繼去季後連續兩季護級成功,幾難逃出生天。
反觀李斯特城就算2:1擊敗韋斯咸,仍未足以留級,唔關同日1:4大敗於熱刺嘅列斯聯同較早時已篤定包落尾降班嘅修咸餐一齊降至英冠作賽。
英超護級大,假若愛華頓喺主場擊敗般尼茅夫嘅話,即可宣佈護級成功,相反李斯特城同列斯聯要有自己贏波,都要寄望愛華頓落敗,先至有希望幾難逃出生天。
煞科戰前英超護級形勢:
第17位:愛華頓,33分,得失球差-24
第18位:李斯特城,31分,得失球差-18
第十九位:列斯聯,31分,得失球差-27
2分鐘【愛華頓0:0般尼茅夫;李斯特城0:0韋斯咸;列斯聯0:1熱刺】愛華頓(34分/-24);李斯特城(32分/-18);列斯聯(31分/-28)
依然系要爭歐洲賽資格嘅熱刺,哈利卡尼便接應孫興慜橫傳,禁區內第一時間起腳入網,開賽僅92秒開紀錄,列斯聯即盟塞一球,白玫瑰護級落筆打三更。
34分鐘【愛華頓0:0般尼茅夫;李斯特城1:0韋斯咸;列斯聯0:1熱刺】李斯特城(34分/-17);愛華頓(34分/-24);列斯聯(31分/-28)
哈維班尼斯與伊恩拿祖一次精彩嘅撞牆,班尼斯熨射破網,李斯特城34分鐘先開紀錄,班主艾都屈即刻同眾人擊掌,李城主場好激動,根據現時嘅分數完場,李斯特城將以較佳得失球成功護級。
半場【愛華頓0:0般尼茅夫;李斯特城1:0韋斯咸;列斯聯0:1熱刺】李斯特城(34分/-17);愛華頓(34分/-24);列斯聯(31分/-28)
愛華頓上半場有疑似12碼,般茅嘅辛尼斯解圍時踢中格雷倒地,雙方有明顯接觸,但球證未有表示,霸安士格攞上半場補時禁區外壅射,般茅門將一手托出,半場打成0:0平手。
47分鐘【愛華頓0:0般尼茅夫;李斯特城1:0韋斯咸;列斯聯0:2熱刺】李斯特城(34分/-17);愛華頓(34分/-24);列斯聯(31分/-29)
換邊之後,列斯聯再度喺初段失守,哈利卡尼交直線,列斯聯解圍唔遠,柏度朴路(Pedro Porro)右路射遠柱建功下半場僅80秒搞大領先,列斯聯盟塞至0:2,護級近乎無忘。

57分鐘【愛華頓1:0般尼茅夫;李斯特城1:0韋斯咸;列斯聯0:2熱刺】愛華頓(36分/-23);李斯特城(34分/-17);列斯聯(31分/-29)
愛華頓右路攻勢,般茅解圍唔遠,杜哥利禁區之外,第一時間抽射,般茅門將目送皮球入網,57分打開紀錄,地方愛華頓擁躉好緊張,就算愛隊領先都唔敢太興奮。假若以呢過數完場,愛華頓就可以成功護級,降班嘅變成李斯特城同列斯聯。
62分鐘【愛華頓1:0般尼茅夫;李斯特城2:0韋斯咸;列斯聯0:2熱刺】愛華頓(36分/-23);李斯特城(34分/-16);列斯聯(31分/-29)
李斯特城繼續奮戰,泰利文斯左路罰球傳中,菲斯(Wout Faes)跳頂頭錘仔入網,李城搞大領先到兩個波,但而家唯有寄望愛華頓失分先有望留英超。
69分鐘【愛華頓1:0般尼茅夫;李斯特城2:0韋斯咸;列斯聯1:3熱刺】愛華頓(36分/-23);李斯特城(34分/-17);列斯聯(31分/-29)
列斯聯由積夏裡遜(Jack Harrison)67分鐘追成較近紀錄,可惜2分鐘之後再度失守,熱刺哈利卡尼便接應朴路嘅助攻,反擊建功,梅開二度,熱刺以3:1領先。
79分鐘【愛華頓1:0般尼茅夫;李斯特城2:1韋斯咸;列斯聯1:3熱刺】愛華頓(36分/-23);李斯特城(34分/-17);列斯聯(31分/-29)
李斯特城中圈附近斷纜,韋斯咸即刻策動反擊,柏保路科奴斯(Pablo Fornals)左路引波推進,切入大位起腳破網,追到1:2嘅較近紀錄。
95分鐘【愛華頓1:0般尼茅夫;李斯特城2:1韋斯咸;列斯聯1:4熱刺】愛華頓(36分/-23);李斯特城(34分/-17);列斯聯(31分/-30)
即將離隊嘅盧卡斯莫拉錦上添花,為熱刺領先至4:1。另一方面,李斯特城以2:1擊敗韋斯咸完場,而家唯有聽天由命。
愛華頓維持得一球勝局,最終可以幾難逃出生天,李斯特城與列斯聯齊齊降班,嚟季與較較早時已篤定「包落尾」嘅修咸餐一齊去英冠角逐。

延伸閱讀

拜仁慕尼黑擊敗科隆封王-德甲11季連霸/

GAMEONE 娛樂城 足球、現場直播百家樂、籃球、麻雀、三公、百家樂、彩票 、賽車、輪盤、牛牛、龍虎鬥 、老虎機、打魚機、廿一點、骰寶、鬥地主、翻攤、炸金花、牌九、棋牌。