拜仁擊敗科隆封王

拜仁擊敗科隆封王

拜仁擊敗科隆封王

德甲煞科日,多蒙特自毀長城,對緬恩斯失分,葬送兩分領先優勢,將冠軍拱手讓予拜仁慕尼黑。拜仁末輪擊敗科隆,追至與多蒙特同得71分,並靠得失球力壓對方,連續11季叱咤球德甲。
喺最後嘅90分鐘,多蒙特同拜仁三次交換榜首位置,首先系8分鐘拜仁開紀錄,取代多蒙特上榜首,到81分鐘拜仁畀科隆嘅12碼追平,多蒙特重返榜首。89分鐘,拜仁再度領先,再上榜首,由於多蒙特最後未能贏波,拜仁坐榜首到完場。
上一輪,拜仁慕尼黑以1:3唔敵RB萊比錫,多蒙特就以3:0大勝奧格斯堡,多蒙特以70分升上榜首,拜仁以68分排次席。多蒙特手握爭標主導權進入德甲煞科日,只要多蒙特最後一週擊敗緬恩斯便可打爛拜仁10連霸嘅壟斷奪冠,至於拜仁除咗要擊敗科隆之外,仲要寄望多蒙特失分。

煞科日冠軍形勢變化:
開波前:🥇多蒙特(70分/+39)、🥈拜仁(68分/+53)

8分鐘【多蒙特0:0緬恩斯;科隆0:1拜仁】:🥇拜仁(71分/+54)、🥈多蒙特(71分/+39)
開波8分鐘,拜仁嘅京安士利高文喺禁區邊推大位射入,拜仁領先科隆1:0。若維持得此時紀錄完場,拜仁唔關多蒙特同得71分,拜仁得失球霸明顯優勢升上榜首。
三個字【多蒙特0:1緬恩斯;科隆0:1拜仁】:🥇拜仁(71分/+54)、🥈多蒙特(70分/+38)
三個字,緬恩斯走右路角球,挪威中堅奧臣前柱入楔,冇人看管下頂入,領先多蒙特1:0。若維持得紀錄完場,多蒙特得70分,拜仁以71分封王。
十九分鐘,多蒙特獲得12碼。球證到場邊翻看片段後,話杜明歷克哥亞踢低拉菲爾古里路。施巴斯坦賀攞操刀12碼,畀達文捉到路撲出,錯失早段追平嘅大好機會。多蒙特仍然盟塞0:1,維持得現時紀錄嘅話,拜仁仍以一分優勢定過「蜜蜂軍團」封王。
24分鐘【多蒙特0:2緬恩斯;科隆0:1拜仁】:🥇拜仁(71分/+54)、🥈多蒙特(70分/+37)
24分鐘,多蒙特後防出現罅,緬恩斯嘅李在城左路傳中,中路嘅四奈斯禾冇人看管,喺安利直恩同曉姆斯之間頂入,多蒙特盟塞到0:2。多蒙特一定要連入3個波反勝,先定過拜仁。
多蒙特喺40分鐘調走受傷嘅艾迪耶米,由老將馬高列奧斯上陣。完半場前,多蒙特搶返唔少攻勢,但祖利安白蘭特同曉姆斯等壅門都未能過到達文嘅十指關。另一邊廂,拜仁差啲搞大過數到2:0,但球證睇慢鏡後認為利萊辛尼入球前有手球,判入球無效。

半場,多蒙特盟塞緬恩斯0:2,拜仁領先科隆1:0,若維持得紀錄完場,拜仁將以71分力責70分嘅多蒙特奪冠。
69分鐘【多蒙特1:2緬恩斯;科隆0:1拜仁】:🥇拜仁(71分/+54)、🥈多蒙特(70分/+38)
69分鐘,多蒙特追近至1:2,拉菲爾古里路便接應基奧雲尼雷拿嘅助攻射入。多蒙特離冠軍仲爭兩個入球,佢哋要反勝緬恩斯先可以捧冠軍。
81分鐘【多蒙特1:2緬恩斯;科隆1:1拜仁】:🥇多蒙特(70分/+38)、🥈拜仁(69分/+53)
81分鐘,科隆獲得12碼,盧比錫主射入網,追到1:1。若果維持得紀錄完場,拜仁到一分後僅得69分,未能超越70分嘅多蒙特,多蒙特可以喺輸波下封王。
89分鐘【多蒙特1:2緬恩斯;科隆1:2拜仁】:🥇拜仁(71分/+54)、🥈多蒙特(70分/+38)
89分鐘,穆斯亞攞建功,為拜仁再度領先2:1。若果維持得紀錄完場,拜仁以71分定過多蒙特封王,多蒙特需要入多兩波反勝緬恩斯。
96分鐘【多蒙特2:2緬恩斯;科隆1:2拜仁】:🥇拜仁(71分/+54)、🥈多蒙特(71分/+39)
96分鐘,歷卡斯蘇尼為多蒙特追平2:2。若維持得紀錄完場,拜仁唔關多蒙特同得71分,拜仁以較佳得失球贏冠軍。多蒙特需要入多波。
全場完,多蒙特未能擊敗緬恩斯打成2:2,拜仁篇擊敗科隆2:1。拜仁較佳得失球贏得今季德甲冠軍。

延伸閱讀

日本國家隊公布友賽名單,包括三名新一輪入選球/

GAMEONE 娛樂城 足球、現場直播百家樂、籃球、麻雀、三公、百家樂、彩票 、賽車、輪盤、牛牛、龍虎鬥 、老虎機、打魚機、廿一點、骰寶、鬥地主、翻攤、炸金花、牌九、棋牌。