利物浦1:0 小勝富咸

阿歷山大阿諾特嘅防守能力不嬲為人詬病,今季印象最深莫得滯畀三笘薰「完爆」一仗。利物浦主帥高普近期慣常將阿諾特推前,以中場嘅形式現身,有唔錯嘅成效,雖然今仗對富咸未有直接貢獻入球或者助攻,但佢系串連紅軍重要一員,助球隊以1:0小勝對手,保持爭逐嚟季歐聯資格嘅啲微希望。
利物浦喺週三(3日)夜麻麻主場斗富咸,達雲紐奈斯上半場末段快腳搶去伊沙迪奧普嘅腳底波,隨後更畀人踢跌,即使紐奈斯有「插水」之嫌,球證照判罰12碼,由沙攞射中鵠,39分鐘一箭定江山,結果紅軍喺晏菲路一球小勝全攞3分。
利物浦自4月頭唔敵曼城後,到而家聯賽7場不敗,最近更錄到5連勝,現時以59分穩坐第5位,盟塞第4位嘅曼聯4分,但多踢兩場,保持爭奪嚟季出戰歐聯嘅希望。利物浦主帥高普賽後冇特別提及歐聯席位,只系強調希望以最高嘅位置完成聯賽。

阿歷山大阿諾特滿場飛串連全隊

阿歷山大阿諾特(Trent Alexander-Arnold)依然系有種攻強守弱嘅感覺,今季喺防守上不時「孭鑊」,有見同此,高普決定將個名英軍國腳轉型,將佢優點就放開,近期喺進攻上給予阿諾特多啲自由度,經歷多啲攻守交換嘅串連角色。
正如今仗所見,阿諾特滿場飛,有時唔單止系右路出現,又喺後場幫手將皮球運送上前場,多次以長、短傳嘗試搣爛富咸嘅防線,喺進攻時嘅站位更好似一名中場。其中一次更以「壅丹擰轉身」擺脫對手,令唔少擁躉拍案叫絕。
阿歷山大阿諾特今仗嘅資料相當咁出眾,佢錄得全場最多觸波(122次)、最多傳送至進攻三閘線(23次)同最多傳送至禁區(12次),佢更錄到三次射門,可見佢喺進攻嘅角色好緊要。此外,阿諾特喺防守上,亦有亮眼嘅數字,全場錄得十次攞返控波權,冠絕全場,並錄到5次對抗成功、三次攔截、2次截斷同2次解圍,而且全場冇任何犯規。
雖則阿諾特唔保持其連續5場有助攻嘅走勢,但今仗嘅全能表現仍然大獲好評,獲《ESPN》同《利物浦回聲報》嘅8分評分,冠絕全隊,並讚揚佢喺控制進攻節奏得宜,更加系球隊嘅發電機。

而家除咗釋放阿歷山大阿諾特嘅攻力之外,同時,因為少「斷纜」嘅機會,連帶減輕防守嘅壓力,單睇近期戰績嚟講,高普嘅實驗講得上系成功,而高普亦對佢好有信心,喺大勝列斯聯後咁講道,「佢(阿歷山大阿諾特)系一個好重要嘅籃,較前嘅位置更啱佢,當佢持球時,我哋唔會容易失球,我哋知道佢有潛力。」

延伸閱讀
英超速評|阿仙奴重登榜首-車路士六連敗-人來人

GAMEONE 娛樂城 足球、現場直播百家樂、籃球、麻雀、三公、百家樂、彩票 、賽車、輪盤、牛牛、龍虎鬥 、老虎機、打魚機、廿一點、骰寶、鬥地主、翻攤、炸金花、牌九、棋牌。